Argentina terma jamoasining sobiq himoyachisi, hozirda "Inter" vise-prezidenti bo‘lib ishlayotgan Xavyer Zanetti "PSJ" hujumchisi Lionel Messining "neradzurrilar" safiga o‘tishi mumkin bo‘lgan transferi haqida gapirdi.
"Messining The Best nominasiyasidagi g‘alabasi? Menimcha, u bunga to‘liq loyiq edi. Leo futbolni ifodalaydi. Uning "Inter"ga o‘tishi mumkinmi? Bu juda qiyin va qimmat", - dedi Zanetti ESPN bilan suhbatda.
Eslatib o‘tamiz, Messining parijliklar bilan amaldagi shartnomasi joriy mavsum oxirida yakuniga yetadi. U 2021 yilning yozidan buyon "PSJ"da o‘ynamoqda.
Lionel joriy mavsum Liga 1da 20 ta o‘yinda maydonga tushib, 12 ta gol urdi va 12 ta golli uzatmani amalga oshirdi.
