Аргентина терма жамоасининг собиқ ҳимоячиси, ҳозирда "Интер" вице-президенти бўлиб ишлаётган Хавьер Занетти "ПСЖ" ҳужумчиси Лионель Мессининг "нерадзуррилар" сафига ўтиши мумкин бўлган трансфери ҳақида гапирди.
"Мессининг The Best номинациясидаги ғалабаси? Менимча, у бунга тўлиқ лойиқ эди. Лео футболни ифодалайди. Унинг "Интер"га ўтиши мумкинми? Бу жуда қийин ва қиммат", - деди Занетти ESPN билан суҳбатда.
Эслатиб ўтамиз, Мессининг парижликлар билан амалдаги шартномаси жорий мавсум охирида якунига етади. У 2021 йилнинг ёзидан буён "ПСЖ"да ўйнамоқда.
Лионель жорий мавсум Лига 1да 20 та ўйинда майдонга тушиб, 12 та гол урди ва 12 та голли узатмани амалга оширди.
