Londonning “Vest Xem” klubi ustozi David Moyes jurnalistlar bilan suhbatda “Manchester Yunayted”ning niderlandiyalik murabbiyi Erik ten Xagning ishini yuqori baholadi.
Moyesning aytishicha, niderlandiyalik mutaxassis so‘nggi olti oy ichida aql bovar qilmaydigan ishni bajardi. "Bolg‘achilar" ustozi "Manchester Yunayted" klubi g‘alaba qozonishga o‘rganib qolganini, ten Xag boshchiligida jamoa yana kuchli tarzda turnir zinapoyasiga ko‘tarilib, yetakchi o‘rinlarga qaytishi mumkinligini ta’kidladi.
"Men shunchaki ten Xagning ishiga qoyil qolyapman" - deb qo‘shimcha qildi Moyes.
Eslatib o‘tamiz, “qizil iblislar” Angliya kubogining 1/8 finalida “Vest Xem”ni mag‘lub etishdi. Yaqinda ten Hag boshchiligidagi "Manchester Yunayted" Angliya Liga kubogini qo‘lga kiritgandi.
