Лондоннинг “Вест Хэм” клуби устози Давид Мойес журналистлар билан суҳбатда “Манчестер Юнайтед”нинг нидерландиялик мураббийи Эрик тен Хагнинг ишини юқори баҳолади.
Мойеснинг айтишича, нидерландиялик мутахассис сўнгги олти ой ичида ақл бовар қилмайдиган ишни бажарди. "Болғачилар" устози "Манчестер Юнайтед" клуби ғалаба қозонишга ўрганиб қолганини, тен Хаг бошчилигида жамоа яна кучли тарзда турнир зинапоясига кўтарилиб, етакчи ўринларга қайтиши мумкинлигини таъкидлади.
"Мен шунчаки тен Хагнинг ишига қойил қоляпман" - деб қўшимча қилди Мойес.
Эслатиб ўтамиз, “қизил иблислар” Англия кубогининг 1/8 финалида “Вест Хэм”ни мағлуб этишди. Яқинда тен Ҳаг бошчилигидаги "Манчестер Юнайтед" Англия Лига кубогини қўлга киритганди.
