EA Sports Italiya chempionatida fevral oyining eng yaxshi futbolchisi bo‘lishga nomzodlar nomini e’lon qilish uchun A Seriya bilan hamkorlik qildi.

Nomzodlar ro‘yxatida "Torino"ning rossiyalik yarim himoyachisi Aleksey Miranchuk va "Napoli" vingeri Xvicha Kvarasxeliya ham bor. Sovrin uchun shuningdek “Lechche” himoyachisi Federiko Baskirotto, “Yuventus” yarim himoyachisi Anxel Di Mariya va “Napoli” hujumchisi Viktor Osimxen ham da’vogar sanaladi.

27 yoshli Miranchuk fevral oyida A Seriyada “Torino” safida 4 ta o‘yinda maydonga tushdi va bitta golli uzatmani amalga oshirdi. Kvarasxeliya “Napoli” safida 4 ta o‘yin, 3 ta gol va 1 ta golli uzatmani amalga oshirgan.

A Seriyada oyning eng yaxshi o‘yinchisi EA Sports FIFA 23 futbol o‘yini bilan birgalikda tanlandi.