Saudiyaning “Al-Ittihod” klubi “PSJ” hujumchisi Lionel Messiga yirik shartnoma taklif qiladi.

Marca xabariga ko‘ra, Saudiya Arabistoni klubi 35 yoshli argentinalik futbolchining yaqinlari bilan bog‘lanib, jamoada o‘tkazgan har bir mavsum uchun 94 million dollarlik shartnoma taklif qilgan.

Oldinroq Messi hali ham faoliyatini Yevropada davom ettirmoqchiligi MLS va Saudiya Arabistoni takliflarini ko‘rib chiqmasligi haqida xabar berilgandi.

Hujumchi joriy mavsumda "PSJ" safida barcha turnirlar doirasida 28 ta o‘yinda maydonga tushib, 17 ta gol urdi va 16 ta golli uzatmani amalga oshirdi. Uning klub bilan shartnomasi joriy mavsum oxirigacha hisoblangan.