"Liverpul" bosh murabbiyi Yurgen Klopp APLning 26-turida "Manchester Yunayted"ga qarshi o‘yin oldidan OAVga intervyu berdi. Uchrashuv 5 mart kuni "Enfild"da bo‘lib o‘tadi va Toshkent vaqti bilan soat 21:30da boshlanadi.
“Men har doim bu o‘yinni intiqlik bilan kutaman. "Manchester Yunayted" bu mavsumda bizdan ko‘ra yaxshiroq harakat qilmoqda, ammo bu bitta o‘yinda hech narsani anglatmaydi. Ko‘proq ochkoga ega bo‘lganingiz g‘alaba qozonishingizni anglatmaydi. Ishonchim komilki, bu o‘yinni butun dunyo tomosha qiladi", - deya germaniyalik mutaxassisning so‘zlarini keltiradi Sky Sports.
Ushbu o‘yin oldidan "Liverpul" oltinchi, "Manchester Yunayted" esa uchinchi o‘rinda bormoqda. Jamoalar o‘rtasidagi farq o‘n ochkoni tashkil etadi.