"Ливерпуль" бош мураббийи Юрген Клопп АПЛнинг 26-турида "Манчестер Юнайтед"га қарши ўйин олдидан ОАВга интервью берди. Учрашув 5 март куни "Энфилд"да бўлиб ўтади ва Тошкент вақти билан соат 21:30да бошланади.
“Мен ҳар доим бу ўйинни интиқлик билан кутаман. "Манчестер Юнайтед" бу мавсумда биздан кўра яхшироқ ҳаракат қилмоқда, аммо бу битта ўйинда ҳеч нарсани англатмайди. Кўпроқ очкога эга бўлганингиз ғалаба қозонишингизни англатмайди. Ишончим комилки, бу ўйинни бутун дунё томоша қилади", - дея германиялик мутахассиснинг сўзларини келтиради Sky Sports.
Ушбу ўйин олдидан "Ливерпуль" олтинчи, "Манчестер Юнайтед" эса учинчи ўринда бормоқда. Жамоалар ўртасидаги фарқ ўн очкони ташкил этади.
