Joze Mourinyo “Roma”ni “Yuventus”ga qarshi o‘yinda boshqarishi mumkin.

Eslatib o‘tamiz, A Seriyaning 24-turida "Kremoneze" bilan o‘yindan so‘ng (1:2) "Roma" bosh murabbiyi hakamlar bilan ziddiyat tufayli 2ta liga o‘yiniga diskvalifikasiya qilingan edi. Portugaliyalik murabbiy uchrashuv yakunlangach, hakamlar xonasiga kirib borgan.

"Roma" murabbiyning diskvalifikasiyasi ustidan apellyasiya arizasi bilan chiqdi va uning o‘yin vaqtidagi va o‘yindan keyingi xatti-harakati to‘rtinchi hakamning provokasiyasiga munosabat ekanligini ta’kidladi. Italiya futbol federasiyasi (FIGC) Mourinyoning diskvalifikasiyasini to‘xtatishga qaror qildi.

Murabbiy va hakamlar o‘rtasidagi mojaro bilan bog‘liq vaziyatni yaxshiroq tushunish uchun federasiyaga biroz vaqt kerak bo‘ladi.

A Seriyaning 25-turi doirasidagi “Roma” – “Yuventus” uchrashuvi 5 mart kuni bo‘lib o‘tadi.