Жозе Моуриньо “Рома”ни “Ювентус”га қарши ўйинда бошқариши мумкин.

Эслатиб ўтамиз, А Сериянинг 24-турида "Кремонезе" билан ўйиндан сўнг (1:2) "Рома" бош мураббийи ҳакамлар билан зиддият туфайли 2та лига ўйинига дисквалификация қилинган эди. Португалиялик мураббий учрашув якунлангач, ҳакамлар хонасига кириб борган.

"Рома" мураббийнинг дисквалификацияси устидан апелляция аризаси билан чиқди ва унинг ўйин вақтидаги ва ўйиндан кейинги хатти-ҳаракати тўртинчи ҳакамнинг провокациясига муносабат эканлигини таъкидлади. Италия футбол федерацияси (FIGC) Моуриньонинг дисквалификациясини тўхтатишга қарор қилди.

Мураббий ва ҳакамлар ўртасидаги можаро билан боғлиқ вазиятни яхшироқ тушуниш учун федерацияга бироз вақт керак бўлади.

А Сериянинг 25-тури доирасидаги “Рома” – “Ювентус” учрашуви 5 март куни бўлиб ўтади.