20 yoshgacha bo‘lgan futbolchilar o‘rtasidagi Osiyo Kubogi—2023 2-turi doirasida "D" guruhi vakillari Xitoy va Saudiya Arabistoni jamoalari 6 mart, dushanba kuni o‘zaro bahs olib bordi.

Birinchi bo‘limda jamoalar darvozalarni ishg‘ol qila olmadi. Ikkinchi bo‘limda esa hujumlar yanada ko‘paydi. 65-daqiqada Mutollib Iminqori hisobni ochdi. 72-daqiqada Bin Su xitoyliklarning ikkinchi goliga mualliflik qildi. Qolgan daqiqalarda gol urilmadi va Xitoy 3 ochkoni qo‘lga kiritdi.

Guruhning narigi o‘yinida Yaponiya Qirg‘iziston ustidan 3:0 hisobida zafar quchdi. Ikkinchi turdan so‘ng ushbu guruhda Yaponiya 6 ochko bilan peshqadam bo‘lib turgan bo‘lsa, Xitoy va Saudiya hisobida 3 tadan ochko mavjud.

U-20 Osiyo kubogi, 2-tur bahsi
6 mart, dushanba
Xitoy U-20 — Saudiya Arabistoni U-20 2:0
Gollar: Mutollib Iminqori (65), Bin Su (72)
Xitoy U-20: Li Xao, Su Xetao, Yang Min Je, Liu Xao Fan, Alfierding Aisker, Bayhelamu Abuduvali, Jang Yi Xuan, Bin Su, Ksyang Rong Jun, Chen Je Xuan, Hirzati Nuer.
Saudiya Arabistoni U-20: Osama al-Mermesh, Muhammad al-Dosariy, Muhammad Sulaymon Bakor, Muhammad Ali Barnaviy, Abdulaziz al-Elevaiy, Abdulloh Hadi Radif, Musab al-Juvayr, Yasin Atia al-Zubaydiy, Salim al-Najdiy, Marvan al-Sahafiy, Suhayb al-Zaid.