20 ёшгача бўлган футболчилар ўртасидаги Осиё Кубоги—2023 2-тури доирасида "D" гуруҳи вакиллари Хитой ва Саудия Арабистони жамоалари 6 март, душанба куни ўзаро баҳс олиб борди.

Биринчи бўлимда жамоалар дарвозаларни ишғол қила олмади. Иккинчи бўлимда эса ҳужумлар янада кўпайди. 65-дақиқада Мутоллиб Иминқори ҳисобни очди. 72-дақиқада Бин Су хитойликларнинг иккинчи голига муаллифлик қилди. Қолган дақиқаларда гол урилмади ва Хитой 3 очкони қўлга киритди.

Гуруҳнинг нариги ўйинида Япония Қирғизистон устидан 3:0 ҳисобида зафар қучди. Иккинчи турдан сўнг ушбу гуруҳда Япония 6 очко билан пешқадам бўлиб турган бўлса, Хитой ва Саудия ҳисобида 3 тадан очко мавжуд.

U-20 Осиё кубоги, 2-тур баҳси
6 март, душанба
Хитой U-20 — Саудия Арабистони U-20 2:0
Голлар: Мутоллиб Иминқори (65), Бин Су (72)
Хитой U-20: Ли Хао, Су Хетао, Янг Мин Же, Лиу Хао Фан, Алфиэрдинг Аискер, Байҳеламу Абудували, Жанг Йи Хуан, Бин Су, Ксянг Ронг Жун, Чен Же Хуан, Ҳирзати Нуэр.
Саудия Арабистони U-20: Осама ал-Мермеш, Муҳаммад ал-Досарий, Муҳаммад Сулаймон Бакор, Муҳаммад Али Барнавий, Абдулазиз ал-Элеваий, Абдуллоҳ Ҳади Радиф, Мусаб ал-Жувайр, Ясин Атиа ал-Зубайдий, Салим ал-Наждий, Марван ал-Саҳафий, Суҳайб ал-Заид.