"Bavariya" vingeri Kingsli Koman Chempionlar ligasi 1/8 finalining birinchi o‘yinida "PSJ" muxlislarining haqoratlari haqida gapirdi. Eslatib o‘tamiz, fransiyalik futbolchi tomonidan kiritilgan yagona gol Myunxen klubiga g‘alaba keltirgandi.
"PSJ"ga qarshi birinchi o‘yinda parijlik muxlislar meni haqorat qilishdi. Keyin o‘zimga: "Xo‘p, bir-ikki kishiga qarab fikringni o‘zgartirishing shart emas" - dedim. Gol urganingizda, siz doimo tiz cho‘kib nishonlayni xohlaysiz, lekin men 7 yil o‘tkazgan jamoamga hurmat ko‘rsatishni xohladim" - dedi Koman Canal + nashriga bergan intervyusida.
Eslatib o‘tamiz, birinchi o‘yinda Koman "PSJ" darvozasiga urilgan golni nishonlamagan bo‘lsa-da, 2020 yilgi Chempionlar ligasi finalida Kingsli sobiq jamoasi darvozasiga g‘alaba to‘pini kiritib, his-tuyg‘ularini tiya olmagandi.