"Arsenal" "Napoli" hujumchisi Viktor Osimxenni o‘z safiga qo‘shib olmaydi, deb yozadi jurnalist Fabrisio Romano.
Manbaga ko‘ra, London klubi yozda 24 yoshli futbolchini sotib olishi haqida hech qanday ma’lumot yo‘q. "Arsenal"da Gabriel Jezus, Eddi Nketia, Folarin Balogan bor, bundan tashqari, Osimxenning narxi juda yuqori.
Romanoning ta’kidlashicha, "Arsenal" yozda yangi yarim himoyachi xarid qilmoqchi.
Osimxen joriy mavsumda “Napoli” safida barcha turnirlarda 26 ta o‘yinda maydonga tushib, 21 ta gol urdi va 4 ta golli uzatmani amalga oshirdi. Transfermarkt portali futbolchining narxini 70 million yevroga baholamoqda.
Hujumchining klub bilan shartnomasi 2025 yilning yoziga qadar tuzilgan.