"Арсенал" "Наполи" ҳужумчиси Виктор Осимхенни ўз сафига қўшиб олмайди, деб ёзади журналист Фабрицио Романо.
Манбага кўра, Лондон клуби ёзда 24 ёшли футболчини сотиб олиши ҳақида ҳеч қандай маълумот йўқ. "Арсенал"да Габриэль Жезус, Эдди Нкетиа, Фоларин Балоган бор, бундан ташқари, Осимхеннинг нархи жуда юқори.
Романонинг таъкидлашича, "Арсенал" ёзда янги ярим ҳимоячи харид қилмоқчи.
Осимхен жорий мавсумда “Наполи” сафида барча турнирларда 26 та ўйинда майдонга тушиб, 21 та гол урди ва 4 та голли узатмани амалга оширди. Transfermarkt портали футболчининг нархини 70 миллион еврога баҳоламоқда.
Ҳужумчининг клуб билан шартномаси 2025 йилнинг ёзига қадар тузилган.