«Manchester Siti»ning sobiq yarim himoyachisi Yaya Ture joriy mavsumda APL chempionlik poygasi haqida gapirib, «Arsenal», «Manchester Yunayted» va «Liverpul» klublarini eslatib o‘tdi va «shaharliklar» chempionlikni qo‘lga kiritishiga umid bildirdi, chunki ivuarlik futbolchi ushbu jamoaga muxlislik qiladi.

«Hozir turnir jadvalida hammasi juda keskin. «Manchester Siti» juda yaxshi o‘ynamoqda va «Arsenal»ning ochko yo‘qotishiga umid qilmoqda.

O‘ylaymanki, «Arsenal» tizginni yo‘qotadi. Mavsum uzoq, bosim ularga ta’sir qilishi mumkin. «Manchester Yunayted» hozir yaxshi ishlamoqda, «Liverpul» bir necha kun oldin ajoyib o‘ynadi.

Jamoa yaxshi ishlayotgan bo‘lsa, buni o‘yinchilarning gollarni nishonlashlari va bir-birlaridan zavqlanishlarida ko‘rish mumkin.