«Манчестер Сити»нинг собиқ ярим ҳимоячиси Яя Туре жорий мавсумда АПЛ чемпионлик пойгаси ҳақида гапириб, «Арсенал», «Манчестер Юнайтед» ва «Ливерпуль» клубларини эслатиб ўтди ва «шаҳарликлар» чемпионликни қўлга киритишига умид билдирди, чунки ивуарлик футболчи ушбу жамоага мухлислик қилади.

«Ҳозир турнир жадвалида ҳаммаси жуда кескин. «Манчестер Сити» жуда яхши ўйнамоқда ва «Арсенал»нинг очко йўқотишига умид қилмоқда.

Ўйлайманки, «Арсенал» тизгинни йўқотади. Мавсум узоқ, босим уларга таъсир қилиши мумкин. «Манчестер Юнайтед» ҳозир яхши ишламоқда, «Ливерпуль» бир неча кун олдин ажойиб ўйнади.

Жамоа яхши ишлаётган бўлса, буни ўйинчиларнинг голларни нишонлашлари ва бир-бирларидан завқланишларида кўриш мумкин.