"Tottenxem" hujumchisi Risharlison "Milan" bilan turnirning 1/8 final javob o‘yinida (0:0) uydagi durangdan so‘ng jamoadagi o‘rnidan norozi ekanini aytdi.
"Milan" "shporlar"ga qarshi birinchi o‘yinda 1 ta gol farqi bilan g‘olib bo‘lgani uchun keyingi bosqichga chiqdi. Futbolchi o‘yinda 70-daqiqada maydonga tushdi.
"Nega zaxirada o‘tirganimni tushunmayapman. Men uchun hammasi yaxshi o‘tdi, ajoyib davr keldi, biz “Vest Xem” va “Chelsi”ni mag‘lub etdik. Va birdan ular meni zaxira o‘rindig‘iga o‘tirgizib, "Vulverxempton"ga qarshi o‘yinda besh daqiqaga maydonga tushirishdi. Men so‘radim: "Nega shunday?" Ammo javob olmadim", - deya Risharlisonning so‘zlarini keltiradi ESPN.com.br.
U murabbiy nega uni zaxira o‘rindig‘ida qoldirganini tushunmaganini aytdi.
“Bu mavsum, men o‘ynamaganim uchun shunchaki ahmoqona holat. Menga jarohat xalaqit berdi, ammo hozir maydonga tushib, jonimni berishga tayyorman. Ikki o‘yinni yaxshi o‘tkazdim. O‘ylaymanki, men asosiy tarkibda bo‘lishga loyiqman", - deya qo‘shimcha qildi Risharlison.
