Turinning "Yuventus" klubi Yevropa Ligasi 1/8 finalining ilk o‘yinida "Frayburg"ga qarshi maydonga tushdi. "Frayburg"ning italiyalik hujumchisi Vinchenso Grifo o‘yin haqida fikr bildirdi. U Turin superklubiga hurmat bajo keltirdi, ammo Germaniyadagi javob uchrashuvida ularga muammolar bo‘lishini va’da qildi.

"Yuventus" favorit edi, ularda ajoyib futbolchilar bor. Lekin biz juda yaxshi o‘ynadik. Bizda turli imkoniyatlar bor edi. Uyda hamma narsa ochiq bo‘ladi, imkoniyatlar saqlanib qoladi. G‘alaba qozonish uchun hamma narsani beramiz. "Yuventus" kuchli, ammo biz ham kuchsiz emasmiz. Frayburgda yana bir o‘yin bo‘ladi", - dedi Grifo juvenews.eu bilan suhbatda.