Superliga 2-turidan o‘rin olgan «So‘g‘diyona» – «Olimpik» (2:2) uchrashuvidan so‘ng mehmonlar ustozi Timur Kapadze o‘z fikrlarini bildirib o‘tdi.
«Birinchi bo‘limda sodir bo‘lgan chetlatish o‘z ta’sirini o‘tkazdi. Uzoq vaqt kamchilikda o‘ynagan bo‘lsakda, yigitlar yaxshi harakat qilishdi.
Hattoki, oxirida g‘alaba qozonishimiz ham mumkin edi, afsuski, durang o‘ynadik. Bugungi bahs biz uchun judayam foydali bo‘ldi. Kamchilikda qanday o‘ynashimizni ko‘rib oldik.
Jasur Hasanov uzoq vaqtdan buyon yaxshi sport formasida. Bugun ham yaxshi harakat qildi. Yosh futbolchilar undan o‘rnak olishsa, arziydi. Unga vaziyat qoldirsangiz, bu imkoniyatdan foydalanadi. Afsuski, Hasanov bugun bizni 3 ochkosiz qoldirdi» – dedi mutaxassis.
