Суперлига 2-туридан ўрин олган «Сўғдиёна» – «Олимпик» (2:2) учрашувидан сўнг меҳмонлар устози Тимур Кападзе ўз фикрларини билдириб ўтди.
«Биринчи бўлимда содир бўлган четлатиш ўз таъсирини ўтказди. Узоқ вақт камчиликда ўйнаган бўлсакда, йигитлар яхши ҳаракат қилишди.
Ҳаттоки, охирида ғалаба қозонишимиз ҳам мумкин эди, афсуски, дуранг ўйнадик. Бугунги баҳс биз учун жудаям фойдали бўлди. Камчиликда қандай ўйнашимизни кўриб олдик.
Жасур Ҳасанов узоқ вақтдан буён яхши спорт формасида. Бугун ҳам яхши ҳаракат қилди. Ёш футболчилар ундан ўрнак олишса, арзийди. Унга вазият қолдирсангиз, бу имкониятдан фойдаланади. Афсуски, Ҳасанов бугун бизни 3 очкосиз қолдирди» – деди мутахассис.
