Angliyaning “Everton” klubi “Roma” hujumchisi Temmi Abraxamga da’vogarlar safini to‘ldirdi.
Angliyalik futbolchiga Angliya Premmer-ligasi va boshqa Yevropa chempionatlarining ko‘plab vakillari qiziqish bildirmoqda. "Roma" Abraxamni og‘ir moliyaviy ahvol tufayli yozda qo‘yib yuborishga tayyor.
Gazzetta dello Sport xabariga ko‘ra, "Everton" 25 yoshli hujumchi uchun yangi da’vogarga aylandi va ularning "Chelsi"ning sobiq futbolchisini qo‘lga kiritish imkoniyatlari yuqori baholanmoqda.
Temmi Abraxam joriy mavsumda “Roma” safida 35 o‘yinda 7 ta gol urdi va 6 ta golli uzatmani amalga oshirdi.