Braziliyaning "Internasyonal" klubi "Liverpul" hujumchisi Roberto Firminoga ko‘z tikdi.

31 yoshli futbolchi mavsum yakunlanganidan so‘ng "Liverpul"ni tark etishga qaror qildi va muddati tugaydigan shartnomasini uzaytirishdan bosh tortdi.

Firminoga Yevropaning turli klublari, shuningdek, Saudiya Arabistoni vakillari qiziqish bildirishgan, biroq hujumchida faoliyatini Braziliyada davom ettirish imkoniyati ham bor. UOL ma’lumotlariga ko‘ra, "Internasyonal" yuqori darajadagi shartnomani imzolash imkoniyatini ko‘rib chiqmoqda. Biroq, qayd etilganidek, futbolchi bu taklifni qabul qilishi dargumon.

Roberto Firmino joriy mavsumda "Liverpul" safida 27 o‘yinda 10 ta gol va 5 ta golli uzatmani amalga oshirdi.