Бразилиянинг "Интернасьонал" клуби "Ливерпуль" ҳужумчиси Роберто Фирминога кўз тикди.
31 ёшли футболчи мавсум якунланганидан сўнг "Ливерпуль"ни тарк этишга қарор қилди ва муддати тугайдиган шартномасини узайтиришдан бош тортди.
Фирминога Европанинг турли клублари, шунингдек, Саудия Арабистони вакиллари қизиқиш билдиришган, бироқ ҳужумчида фаолиятини Бразилияда давом эттириш имконияти ҳам бор. UOL маълумотларига кўра, "Интернасьонал" юқори даражадаги шартномани имзолаш имкониятини кўриб чиқмоқда. Бироқ, қайд этилганидек, футболчи бу таклифни қабул қилиши даргумон.
Роберто Фирмино жорий мавсумда "Ливерпуль" сафида 27 ўйинда 10 та гол ва 5 та голли узатмани амалга оширди.
