Ukrainalik himoyachi Aleksandr Zinchenko fevral oyida "Arsenal"ning eng yaxshi futbolchisi deb topildi. Futbolchi ushbu nominasiyalar bo‘yicha ketma-ket ikkinchi g‘alaba haqida o‘z fikrlarini bildirib, muxlislarga murojaat qildi.
"Salom, yigitlar. Umid qilamanki, biz ajoyib ish qilyapmiz. Menga ovoz berganingiz uchun katta rahmat. Jamoadoshlarim futbolni tushunmaydigan odamlar menga ovoz beryapti, deb o‘ylaganlari uchun meni o‘ldirishsa kerak. Ammo ular haqida unutaylik. Biz oxirigacha ishlaymiz. Olg‘a, "Arsenal", - dedi Zinchenko klub matbuot xizmatiga.
Aleksandr joriy mavsumda Premyer-ligada 19 ta o‘yinda maydonga tushib, 1 ta gol urdi va 2 ta golli uzatmani amalga oshirdi.
