Ayni damda Londonning “Fulxem” jamoasida to‘p surayotgan portugaliyalik Joau Palinya APLning top-klubiga o‘tishi mumkin. Goal.com portali jurnalistlariga ma’lum bo‘lishicha, 27 yoshli futbolchining xizmatlariga "Liverpul" qiziqish bildirmoqda.
Mersisayd grandi futbolchi uchun katta pul sarflashga tayyor. Klub boshliqlari Palinyani sotib olish uchun 68 million yevro ajratmoqchi.
Joau o‘tgan yozdan beri londonliklar safida to‘p surmoqda, u Lissabonning "Sporting" klubidan ingliz klubiga o‘tgan edi. Yarim himoyachi joriy mavsumda 28 ta o‘yinda maydonga tushib, 4 ta gol urdi.