Айни дамда Лондоннинг “Фулхэм” жамоасида тўп сураётган португалиялик Жоау Пальинья АПЛнинг топ-клубига ўтиши мумкин. Goal.com портали журналистларига маълум бўлишича, 27 ёшли футболчининг хизматларига "Ливерпуль" қизиқиш билдирмоқда.
Мерсисайд гранди футболчи учун катта пул сарфлашга тайёр. Клуб бошлиқлари Пальиньяни сотиб олиш учун 68 миллион евро ажратмоқчи.
Жоау ўтган ёздан бери лондонликлар сафида тўп сурмоқда, у Лиссабоннинг "Спортинг" клубидан инглиз клубига ўтган эди. Ярим ҳимоячи жорий мавсумда 28 та ўйинда майдонга тушиб, 4 та гол урди.
