Yarim himoyachi Meyson Maunt va o‘ng qanot himoyachisi Ris Jeyms Londonning “Chelsi” jamoasi mashg‘ulotlariga qaytdi. Bu haqda Absolute Chelsea xabar bermoqda.

Eslatib o‘tamiz, har ikkala futbolchi ham turli sabablarga ko‘ra o‘z jamoasining safarda "Lester"ga qarshi so‘nggi o‘yinini o‘tkazib yuborgan edi.

Maunt "Lester"ga qarshi o‘yinni jarohati tufayli o‘tkazib yuborgani haqida yozilgandi, ammo keyin ingliz futbolchisi sog‘lom va o‘yinga tayyor ekanligi haqida ma’lumot paydo bo‘ldi. Ehtimol, sabab rahbariyat bilan ziddiyatni yashirish bo‘lgandir. Eslatib o‘tamiz, Meyson hali ham yangi shartnoma shartlari bo‘yicha kelisha olmayapti.

Jeymsga keladigan bo‘lsak, angliyalik futbolchi betobligi sababli "Lester"ga qarshi o‘yinni o‘tkazib yubordi.