Madridning “Real” klubi norvegiyalik Erling Xoland va fransiyalik Kilian Mbappe uchun kurashishdan bosh tortishi mumkin.
Todofichajes so‘zlariga ko‘ra, “qirollik” klubi 35 yoshli Karim Benzemaga arzonroq o‘rinbosar topdi. Gap Gana terma jamoasi va Amsterdamning “Ayaks” klubi hujumchisi Muhammad Kudus haqida ketmoqda. 22 yoshli afrikalik futbolchining transfer narxi 20 million yevroga baholanmoqda. Shartnoma yozda yakunlanishi mumkin.
Kudus joriy mavsumda Niderlandiya chempionatida 24 ta o‘yinda maydonga tushib, 11 ta gol va 2 ta golli uzatmaga mualliflik qilgan. Uning "Ayaks" bilan shartnomasi 2025 yilning yoziga qadar mo‘ljallangan.