Мадриднинг “Реал” клуби норвегиялик Эрлинг Холанд ва франциялик Килиан Мбаппе учун курашишдан бош тортиши мумкин.
Todofichajes сўзларига кўра, “қироллик” клуби 35 ёшли Карим Бенземага арзонроқ ўринбосар топди. Гап Гана терма жамоаси ва Амстердамнинг “Аякс” клуби ҳужумчиси Муҳаммад Кудус ҳақида кетмоқда. 22 ёшли африкалик футболчининг трансфер нархи 20 миллион еврога баҳоланмоқда. Шартнома ёзда якунланиши мумкин.
Кудус жорий мавсумда Нидерландия чемпионатида 24 та ўйинда майдонга тушиб, 11 та гол ва 2 та голли узатмага муаллифлик қилган. Унинг "Аякс" билан шартномаси 2025 йилнинг ёзига қадар мўлжалланган.
