"PSJ" hujumchisi Lionel Messi mavsum yakunida jamoani tark etmaydiganga o‘xshaydi.

Tomonlar shartnomani uzaytirish masalasini muhokama qilishda davom etishmoqda, amaldagi kelishuv esa iyun oyida tugaydi. Jurnalist Toni Xuanmartining fikricha, ayni damda argentinalik futbolchi faoliyatini Parijda davom ettirishga moyil. "Barselona"ga qaytish va boshqa Yevropa klubiga o‘tish bilan bog‘liq ssenariylar hali ham istisno qilinmaydi, ammo ularning ehtimoli past deb baholanadi.

Lionel Messi joriy mavsumda Kristof Galtye jamoasi safida barcha musobaqalarda 31 ta o‘yinda maydonga tushib, 18 ta gol va 17 ta golli uzatmani amalga oshirdi.