Angliya chempionatining 7-turidan o‘rin olgan qoldirilgan o‘yinda “Sautgempton” o‘z maydonida “Brentford”ni qabul qilib, o‘z darvozasidan javobsiz ikkita gol o‘tkazib yubordi. "Brentford" bosh murabbiyi Tomas Frank o‘z jamoasini shiddatli futbol namoyish etgani va ko‘plab golli vaziyatlar yaratgani uchun maqtadi.
"O‘ylashimcha, biz juda yaxshi, shiddatli o‘ynadik, ko‘plab golli vaziyatlar yaratdik. Bu o‘yinda uch ochkoni qo‘lga kiritish muhim edi. Tafsilotlar ikkinchi darajali. "Sautgempton" ligada qolish uchun kurashmoqda va aytish kerakki, ular xavfli raqib", - deya Frank so‘zlarini keltirgan BBC Sport.
APLning navbatdagi turida “Brentford” o‘z maydonida “Lester”ni qabul qiladi.
