Taniqli futbol mutaxassisi Qahramon Aslanov Patrik Viyeyraning iste’fosiga munosabat bildirdi.

«To‘g‘ri, «Kristal Pelas» 2023 yilni yomon o‘tkazmoqda - 11 o‘yinda 6 mag‘lubiyat va 5 durang.

Ammo taqvim faktoriga ham e’tibor berish kerak. Jamoa shu 11 o‘yinda «Chelsi», «Tottenhem», «Liverpul», «Manchester Siti», «Nyukasl», hamda ikki martadan «Brayton» va «MYU» bilan o‘ynadi. Yana «Aston Villa» va «Brentford». Ya’ni 11 o‘yin barchasi turnir jadvalining dastlabki yarmidagi jamoalar bilan.

Bu o‘yinlarda «KP» faqat «Tottenhem»ga yirik yutqazdi. Besh mag‘lubiyat minimal hisobda. «MYU» va «Liverpul» bilan durang. «Siti» faqat penalti hisobiga uch ochko oldi.

To‘g‘ri, ba’zi ko‘rsatkichlar chindanam yomon edi, ammo, menimcha, endi osonroq taqvimda, APLda qolish uchun kurashayotgan o‘z raqiblari bilan «Kristal Pelas» ijobiy tomonga o‘zgarishi mumkin edi.

Patrik Viyeyrani bo‘shatmay tursa bo‘lardi, balkim», — dedi Aslanov.