Таниқли футбол мутахассиси Қаҳрамон Асланов Патрик Виейранинг истеъфосига муносабат билдирди.

«Тўғри, «Кристал Пэлас» 2023 йилни ёмон ўтказмоқда - 11 ўйинда 6 мағлубият ва 5 дуранг.

Аммо тақвим факторига ҳам эътибор бериш керак. Жамоа шу 11 ўйинда «Челси», «Тоттенҳэм», «Ливерпуль», «Манчестер Сити», «Ньюкасл», ҳамда икки мартадан «Брайтон» ва «МЮ» билан ўйнади. Яна «Астон Вилла» ва «Брентфорд». Яъни 11 ўйин барчаси турнир жадвалининг дастлабки ярмидаги жамоалар билан.

Бу ўйинларда «КП» фақат «Тоттенҳэм»га йирик ютқазди. Беш мағлубият минимал ҳисобда. «МЮ» ва «Ливерпуль» билан дуранг. «Сити» фақат пенальти ҳисобига уч очко олди.

Тўғри, баъзи кўрсаткичлар чинданам ёмон эди, аммо, менимча, энди осонроқ тақвимда, АПЛда қолиш учун курашаётган ўз рақиблари билан «Кристал Пэлас» ижобий томонга ўзгариши мумкин эди.

Патрик Виейрани бўшатмай турса бўларди, балким», — деди Асланов.