«Vulverxempton» yarim himoyachisi Ruben Nevesh «Liverpul»ning e’tiborida qolishda davom etmoqda. 

Liverpool Echo xabariga ko‘ra, mersisaydliklar rahbariyati «bo‘rilar»dagi hamkasblaridan portugaliyalikning kelajagi haqida xabardor bo‘lib turishlarini so‘ragan.

E’tiborlisi, Neveshning amaldagi klubi bilan shartnomasi tugashiga bir yildan sal ko‘proq vaqt qolgan.

Avvalroq uning xizmatlariga «Barselona» qiziqish bildirgan edi, biroq Kataloniya jamoasi bosh murabbiyi Xavi Ernandes Ruben nomzodini rad etgandi.

Hozirda Neveshning Premyer-ligada 5 ta goli bor.