"Barselona" hujumchisi Robert Levandovski "ko‘k-anorranglilar"ning futbolchilaridan qaysi biri uni ko‘proq hayratga solganini aytdi.
"Usmon Dembele meni ko‘proq hayratda qoldirdi. Bu o‘ziga xos o‘yin fazilatlariga ega juda iste’dodli futbolchi. U ham ajoyib tezlikka ega. Usmon o‘z pozisiyasida dunyoning eng yaxshilaridan biriga aylanishi mumkin. Ba’zida u jarohat oladi, lekin o‘ynasa, to‘p bilan hamma narsani qila oladi. Haqiqiy iste’dod", - dedi Levandovski ESPN bilan suhbatda.
Joriy mavsumda Dembele 28 ta o‘yinda 8 ta gol urdi va 7 ta golli uzatmani amalga oshirdi. Fransiyalik futbolchining klub bilan shartnomasi 2024 yilda yakuniga yetadi.
