«Lids» darvozaboni Ilan Melye boshqa ingliz klubiga o‘tishi mumkin. Football Insider xabariga ko‘ra, «Chelsi» 23 yoshli fransiyalik darvozabonni o‘z safiga qo‘shib olmoqchi.
«Tovuslar» muzokaralarga tayyor va futbolchining narxi 30 million funtga baholanmoqda.
Avvalroq, «Chelsi»ning qiziqishi doirasida «Inter»ning kamerunlik darvozaboni Andre Onana turgani xabar qilingandi.
Melye joriy mavsumda APLda 27 ta o‘yinda maydonga tushib, 44 ta gol o‘tkazib yuborgan. Beshta o‘yinda Ilan o‘z darvozasi daxlsizligini saqlab qoldi.