«Лидс» дарвозабони Илан Мелье бошқа инглиз клубига ўтиши мумкин. Football Insider хабарига кўра, «Челси» 23 ёшли франциялик дарвозабонни ўз сафига қўшиб олмоқчи.
«Товуслар» музокараларга тайёр ва футболчининг нархи 30 миллион фунтга баҳоланмоқда.
Аввалроқ, «Челси»нинг қизиқиши доирасида «Интер»нинг камерунлик дарвозабони Андре Онана тургани хабар қилинганди.
Мелье жорий мавсумда АПЛда 27 та ўйинда майдонга тушиб, 44 та гол ўтказиб юборган. Бешта ўйинда Илан ўз дарвозаси дахлсизлигини сақлаб қолди.