Bir kun avval matbuotda Muhammad Salohning "Liverpul"ni tark etib, Ispaniya klublaridan biriga o‘tish istagi borligi haqida ma’lumot paydo bo‘lgandi. Bu haqda 30 yoshli misrlik bilan ishlaydigan agent Rami Abbos izoh berdi.
“Buni qayerdan oldingiz, hatto Muhammad va men bu haqda gaplashmaganmiz. Iltimos, bu ma’lumotni qayerdan olganingizni bizga ayting", - dedi Abbos OAVga.
Muhammad Salohning "Liverpul" bilan amaldagi shartnomasi 2025 yilning o‘rtalariga qadar mo‘ljallangan. Joriy mavsumni oladigan bo‘lsak, misrlik futbolchi "qizillar" safida 39 ta o‘yin o‘tkazib, 22 ta gol va 11 ta golli uzatmani hamkorlari safida amalga oshirgan.