Italiya chempionatining yigirma yettinchi turidan o‘rin olgan o‘yinda «Sampdoriya» joriy mavsum o‘z maydonida ilk g‘alabani qo‘lga kiritdi – «Verona» 3:1 hisobida mag‘lub etildi.
«Sampdoriya»ning serbiyalik murabbiyi Deyan Stankovich muvaffaqiyatli o‘yin natijalarini quyidagicha izohladi:
«Birinchi bo‘limda ustunlik qildik, ikkinchisida himoyaga urg‘u berishga to‘g‘ri keldi, ammo uch ochkoni qo‘lga kirita oldik.
Biz ishlaymiz, taslim bo‘lmaymiz. Bugun biz muxlislarga ozgina bo‘lsada xursandchilik ulasha oldik», - deya murabbiyning so‘zlaridan iqtibos keltiradi Italiyaning ITASportPress axborot agentligi.
Italiya A Seriyasining navbatdagi turida «Sampdoriya» safarda «Roma»ga qarshi bahs olib boradi.
