Италия чемпионатининг йигирма еттинчи туридан ўрин олган ўйинда «Сампдория» жорий мавсум ўз майдонида илк ғалабани қўлга киритди – «Верона» 3:1 ҳисобида мағлуб этилди.
«Сампдория»нинг сербиялик мураббийи Деян Станкович муваффақиятли ўйин натижаларини қуйидагича изоҳлади:
«Биринчи бўлимда устунлик қилдик, иккинчисида ҳимояга урғу беришга тўғри келди, аммо уч очкони қўлга кирита олдик.
Биз ишлаймиз, таслим бўлмаймиз. Бугун биз мухлисларга озгина бўлсада хурсандчилик улаша олдик», - дея мураббийнинг сўзларидан иқтибос келтиради Италиянинг ITASportPress ахборот агентлиги.
Италия А Сериясининг навбатдаги турида «Сампдория» сафарда «Рома»га қарши баҳс олиб боради.
