Qishki transferlarni baholash uchun yetarli vaqt o‘tmadi. Ammo o‘tgan yozdagi o‘tishlarni allaqachon muvaffaqiyatli, normal, o‘rtacha, yomon va dahshatli deya atash mumkin. Xoland va De Ligtning transferlari quyidagi kelishuvlarni yaxshi yo‘lga qo‘ydi. Kazemiro qo‘pol o‘yiniga qaramay, "Manchester Yunayted"ga ijobiy ta’sir ko‘rsatmoqda. Ammo Darvin Nunyesning o‘tishini ekstremal toifalardan biriga bog‘lab bo‘lmaydi, chunki urugvaylik "Liverpul"ga moslashib, klubda o‘z o‘rnini izlayapti. Joriy mavsum boshida amalga oshirilgan shunday bitimlar borki, hech bir futbol muxlisi ularni hozirgi vaqtgacha omadli deya olmaydi. Keling, shunday kelishuvlarning eng omadsizlarini ko‘rib chiqamiz.
Pol Pogba "Yuventus"
Juda ko‘p murabbiylar u bilan muammolarga duch kelishdi. "Manchester Yunayted"ni Angliya chempioni qilmadi, "Realga o‘tishi mumkin edi, ammo Peres tavakkal qilmadi, garchi Zidan ushbu transferni so‘ragan edi. Florentino to‘g‘ri qildi, chunki "Yuventus"da Pogba yangi mavsumda A Seriyada atigi 35 daqiqa o‘ynadi. Yiliga 10 million yevrodan ortiq maosh oladigan futbolchi uchun bu vaziyatni omadsiz mavsum deya atasa bo‘ladi. Endi, agar Pol maoshni qisqartirishga rozi bo‘lmasa, klub u bilan xayrlashadilar.
Risharlison "Tottenxem"
Braziliya terma jamoasi boshqa narsalar qatori, Risharlison kabi tarkibga munosib, ammo buyuk bo‘lmagan o‘yinchilar borligi tufayli jahon chempionatida g‘alaba qozona olmadi. U hujum markazida muammoli pozisiyani yopdi, ammo hali “Everton”dagi kabi o‘yin ko‘rsatmadi. Liverpulda u muhim edi, Londonda esa zaxira o‘rindig‘ida o‘tiradi. Risharlison unga “Milan”ni mag‘lub etish imkoniyati berilmaganidan g‘azablandi. 58 million yevroga yangi kelgan futbolchi uchun braziliyalik juda yomon o‘ynaydi. 750 daqiqa davomida Premyer-ligada birorta ham gol urmadi. Chempionlar ligasidagi ikkita golidan tashqari jamoaga foyda keltirmadi.
Kalidu Kulibali "Chelsi"
Kulibali “Napoli”ni tark etganidan afsusda bo‘lsa kerak. Italiyaliklar afrikalik yangi o‘yinchi Osimxenni kashf qildilar va Spaletti jamoasiga juda mos tushgan Kalidu esa muammoli "Chelsi"ga ketdi. Mendi bilan birga ular Londonni tark etishlari mumkin. Boeli bu holatda rekord pul sarflamadi, lekin gap transfer summasi haqida emas. 38 million yevro juda ko‘p emas, lekin eng muhimi, 31 yoshida Kulibali o‘z tajribasini yosh jamoadoshlari bilan baham ko‘ra olmadi. Badiashilening kelishi ular Kalidu bilan hisoblashmasligini ko‘rsatadi.
Uesli Fofana "Chelsi"
Boeli hamma bilan ketma-ket shartnoma imzoladi va faqat bir nechta futbolchi o‘ynab keta oldi. Fernandesh qishda mavsumning eng qimmat futbolchisiga aylandi, yozda esa Fofana rekord o‘rnatdi. Uesli "Chelsi"ga 80,4 million yevro evaziga o‘tdi. Natijada u ikkita jarohat olib, jami yigirmata uchrashuvni o‘tkazib yubordi. Ko‘ramiz, APLga moslashgan futbolchi londonliklarning mavsumdagi hal qiluvchi o‘yinlarida - Chempionlar Ligasida "Real"ga qarshi ikkita jangda qanday ko‘rinishga ega bo‘ladi. "Chelsi"da sodir bo‘layotgan barcha voqealar fonida "qaymoqranglilar" ideal jamoadek ko‘rinadi. Fofana Zagrebda "Sautgempton" va "Tottenxem"ga qarshi o‘yinlarda xatolarga yo‘l qo‘ydi. Hozircha mavsumning eng qimmat transferlaridan biri albatta o‘zini oqlamadi.
