Mish-mishlar "Barselona" vingeri Usmon Dembeleni Angliya Premyer-ligasiga o‘tishi bilan bog‘lashda davom etmoqda. CalcioMercato xabariga ko‘ra, 25 yoshli fransiyalik futbolchiga "Chelsi" va "Nyukasl" da’vogarlik qilmoqda.
Oldinroq "Manchester Yunayted"dan Usmon Dembelega qiziqish bildirilgani haqida xabarlar tarqalgan edi.
Usmon Dembelening "Barselona" bilan amaldagi shartnomasi 2024 yilning o‘rtalariga qadar tuzilgan. 2022/2023-yilgi mavsumda fransiyalik futbolchi klub safida 28 ta o‘yin o‘tkazib, 8 ta gol urdi va 7 ta golli uzatmani amalga oshirdi.