Миш-мишлар "Барселона" вингери Усмон Дембелени Англия Премьер-лигасига ўтиши билан боғлашда давом этмоқда. CalcioMercato хабарига кўра, 25 ёшли франциялик футболчига "Челси" ва "Ньюкасл" даъвогарлик қилмоқда.
Олдинроқ "Манчестер Юнайтед"дан Усмон Дембелега қизиқиш билдирилгани ҳақида хабарлар тарқалган эди.
Усмон Дембеленинг "Барселона" билан амалдаги шартномаси 2024 йилнинг ўрталарига қадар тузилган. 2022/2023-йилги мавсумда франциялик футболчи клуб сафида 28 та ўйин ўтказиб, 8 та гол урди ва 7 та голли узатмани амалга оширди.