Milanning "Inter" klubi yozda erkin agentga aylanadigan ikki futbolchini kuzatib turibdi. Gap “Liverpul” hujumchisi Roberto Firmino va Myunxengladbaxning “Borussiya” klubidan Markus Tyuram haqida ketmoqda.
La Gazzetta dello Sport xabariga ko‘ra, "Inter" ushbu hujumchilardan birini olishga harakat qiladi. Qayd etilishicha, Firminodan ancha yosh bo‘lgan 25 yoshli Tyuram hozirda ustunroq variant hisoblanadi. Neradzurrilar allaqachon fransiyalik futbolchiga yiliga 5 million yevro maosh taklif qilishgan.
