“Inter” hujumchisi Edin Jeko klub bilan yangi shartnoma imzolashga tayyor.
Avvalroq tomonlar yangi kelishuv shartlari bo‘yicha kelisha olmagan edi, amaldagi kelishuv esa joriy yilning iyun oyida yakuniga yetadi. La Gazette Dello Sport xabariga ko‘ra, Jeko murosaga keldi va "Inter" taklif qilgan shartlarni qabul qildi. Shartnoma ikki yil emas, bir yilga mo‘ljallangan, avvalroq 37 yoshli hujumchi talab qilganidek, maoshi yiliga 5 million yevroni tashkil qiladi. Klub faqat kelishuvni tasdiqlashi kerak edi.
Joriy mavsumda Edin Jeko “neradzurrilar” safida barcha musobaqalarda 38 ta o‘yin o‘tkazib, 11 ta gol va 5 ta golli uzatmaga mualliflik qilgan.
