Marokashda yig‘in boshlagan O‘zbekiston olimpiya terma jamoasi kecha Togoga qarshi o‘rtoqlik uchrashuvini o‘tkazdi. Unda Temur Kapadze shogirdlari 5:3 hisobida g‘alaba qozonishdi.

Togoliklar bahsning 8-daqiqasida qarshi hujumda hisobni ochishga muvaffaq bo‘lishdi. Keyin esa vakillarimiz tashabbusni qo‘lga kiritib, ko‘plab xavfli vaziyatlar yaratishdi. Tanaffusga qadar olimpiyachilarimiz 2ta to‘p kiritib, oldinga o‘tib olishdi.

Kapadze jamoasi ikkinchi bo‘limda ham ustunlikni davom ettirib, 70-80-daqiqalar orasida 3 ta gol urib, hisobni yirik ko‘rinishga keltirib qo‘yishdi. Togo esa so‘nggi daqiqada 2ta to‘p kiritib, hisobni 5:3 ko‘rinishga keltirishdi.

Olimpiyachilarimiz keyingi bahsni Kot-d'Ivuarga qarshi o‘tkazishadi.

O‘ZBEKISTON U23 - TOGO U23 - 5:3
Gollar: Muhammadqodir Hamraliyev (27), Otabek Jo‘raqo‘ziyev (39), Odilbek Abdumajidov  (71), Alisher Odilov (76), Sardor Mahmudov (79) — Chakey Moucheri (8), Auro Vetchire (83), Laba Kevin (90)