Angliya terma jamoasi bosh murabbiyi Garet Sautgeyt kelajagi haqidagi savolga javob berdi. Sautgeytdan Yevro-2024 uning jamoa bilan sovrin yutish uchun so‘nggi imkoniyatimi, deb so‘rashdi.
“Bu g‘alaba qozonishimizga bog‘liq. Yosh futbolchi bo‘lganingizda, bu sizning oxirgi imkoniyatingiz deb o‘ylamasligingiz kerak. Sizda boshqa imkoniyatlar bo‘ladi. Boshqalar ham xuddi shunday o‘ylashlari kerak”, dedi Sautgeyt jurnalistlarga.
Garet Sautgeyt boshchiligida Angliya terma jamoasi sezilarli yutuqlarga erishdi. Biroq “uch sherlar” Yevropa va jahon chempionatlarida g‘alaba qozona olishmadi. Britaniyaliklarning yagona buyuk g‘alabasi 1966 yilgi jahon chempionatidagi g‘alabadir.
