"Inter"ning niderlandiyalik himoyachisi Stefan de Vreyning manfaatlarini himoya qiluvchi futbol agenti Federiko Pastorello "neradzurrilar"ning ikki yillik taklifini tasdiqlab, futbolchining Italiya klubidagi kelajagi haqida gapirdi.
"Inter" bizga shartnomani yana ikki yilga uzaytirish bo‘yicha juda yaxshi taklif bilan chiqdi, biz bu taklifdan mamnunmiz, lekin biz boshqa variantlarni ham ko‘rib chiqmoqchimiz va xorijda yangi narsalarni sinab ko‘rish imkoniyati bor yoki yo‘qligini ko‘rmoqchimiz", - dedi futbolchining agenti.
31 yoshli de Vreyning "Inter" bilan shartnomasi joriy mavsum oxirida yakuniga yetadi. Niderlandiyalik himoyachi joriy mavsum milanliklar safida barcha musobaqalarda 24ta o‘yin o‘tkazib, bitta gol urgan.
