"Интер"нинг нидерландиялик ҳимоячиси Стефан де Врейнинг манфаатларини ҳимоя қилувчи футбол агенти Федерико Пасторелло "нерадзуррилар"нинг икки йиллик таклифини тасдиқлаб, футболчининг Италия клубидаги келажаги ҳақида гапирди.
"Интер" бизга шартномани яна икки йилга узайтириш бўйича жуда яхши таклиф билан чиқди, биз бу таклифдан мамнунмиз, лекин биз бошқа вариантларни ҳам кўриб чиқмоқчимиз ва хорижда янги нарсаларни синаб кўриш имконияти бор ёки йўқлигини кўрмоқчимиз", - деди футболчининг агенти.
31 ёшли де Врейнинг "Интер" билан шартномаси жорий мавсум охирида якунига етади. Нидерландиялик ҳимоячи жорий мавсум миланликлар сафида барча мусобақаларда 24та ўйин ўтказиб, битта гол урган.
